فرّاس سبتمبر
هذه القصيدة بلغة التجري ألقيت في إحتفال الجالية الأرترية بملبورن بالذكري الواحدة والخمسين لإنطلاقة الثورة الأرترية المسلحة في الفاتح من سبتمبر 1961.
شعر: أحمد هبتيس
فرّاس سبتمبر *** ملّهيامْ عواتـي
ريفعتْ أبوعشرة *** تأريخنا إبّومْ أمْبتا وإبّومْ تأمّرا
إبْ سلاحوم حودْ *** وإبْ إيمانومْ عبي حاربوّا أمْحرا
تأريخْنا سبتمبرْ *** تأريخنا عواتي
نأزّمْ منّا حسّت *** كبْ أمانْ نتهاقي
فِرّاس سبتمبر وعواتي *** أبايو تأريخنا وتأريخكم لتفناتي
فراس سبتمبر أمعلْ تأريخ متولادنا *** إبّ أمْبتنا وإبّ نتأمّر
لتفلّي عواتي وملّهيامَو *** لتفلي حاج وطاهر ولتفلي عمر
أمْبتوا ثوْرتْ إقلْ نودي حبرْ *** ومسلْ إقلْ ننبرْ
إقل كلوا أرتريين حبرْ *** ودْ مقبْ إيبيلوْ وود جفرْ
وحقوا ثلاثين عامتْ مظأتنا حرية قدرْ*** تأريخنا لعبي إبّاهو إقلْ لتوقّرْ
أيا هلاّ مسلْ أيا هلاّ حبرْ؟؟! *** عبينا دفّنا ديبْ حفرْ
ونئوشْنا سرًّوا بدا ديبْ سبّوتْ *** وسرّوا ترْقا ديبْ بحرْ
إلاّتــا حريّة قدرْ
بختْ وبنا بديرْ وركبناها *** أيّام كرا عواتي وطاهر وعمر
لتفلي أيّام جنجرْ وجنجرْ *** ولتفلي أيّام جعفرْ وجعفرْ
حقوكًم ولاّدْ مدر إي لتنبّر
حرية حزينا مسل إقلْ نشقي *** ومسل إقلْ ننبرْ
لتفلي باشميل ولتفلّي آدمْ ودْ أبّكر
تأريخ شهداءنا إبْ سنيت لتهدّكْ *** وإبْ سنيت لتْأمّرْ
قبيل كفو هليكا؟؟ *** عرفْ إي ركبْكا إندي عابيكا
وعوْتي إي ركبكا إندي شقيكا *** وسلامْ إي ركبْكا إندي حزيكا
ربّي لرفعْ منكا إلّي حالتْ ديبا هليكا
قبيل ديبْ ربيكا حزي *** ركعتين إندي صليكا
قبيلْ إقلْ نسّألكا عسرا وحتي عامت إي تهاقيكا
قويتوا ولا إبْ إي أمرْ إبّو لإيتهاقيكا ***
ألآ صبرْتوا إلّ ربي هبيكا!!!
صبرتوا إلّ مفرْهتْ قتليكا؟؟
تأريخْكا أتْرا سعيكا *** عسْرا وحتّي عامتْ ظحاي إي رئيكا
جناك شتّفا منْ حنتيكا *** وعبيكا سجّنا ديب تهاقيكا
وشيخكا أكانتوا قويتْ *** ديبْ قرْأكا وصليكا
قبيلْ قرأْ تأْريخْكا *** إقلْ تآمرْ حتيّ إيترْفيكا
تأريخكا قبيل برْكا وساحلْ وكبسا
إنْتا تمْ تبئ وهتوا تأريخكا دمْسسا *** وبيليكا أناتو لأمْبسا
مي قبأ إلّي قبيل؟؟ *** لبّوا قبئ طمسسا
تأْريخكا قرأْ قبيل وأمان تهاك
إي تئزمْ قبيل وإي تتهكي *** تأريخْكا آرْ وآدالْ ودبرْ سلا
قبيلْ تهاقي إي تأزمْ *** تأريخْكا سيدري وشيدمْ
قبيل تهاقي إي تئزمْ *** أبايْك لتْلقّمْ
مالك هبكا ديبا ورحْك *** وقعيك ديبا دمْ
تهاقي أبايكا لئزمْ
نايي بلْ إي تأزمْ *** أمانْ تهاقي وإي تقبأ هتمتمْ
تأريخكا قبيل كبيريْ وعواتي وسبي *** تأريخ كاتوا إلّ فتي أمْ أبي
تأريخكا عبدالكريم سني فالو وحليب ستي
تمْ تبي قبيلْ وتأريخكا بدّي
تاريخكا حنطي ويحيي وفطّوم وأرقاي هبتي
تأريخيي بلْ قبيلْ وإي تحسّي
مي إقلْ تمظأكا من إلّ تأكي؟؟!!
تهاقي قبيل بلْ قلي *** عبيكا دفّنا وجناك بكّي
مي إقلْ تمظأكا من إلّ تأكي؟؟!!
عبيكا دفّنا وجناك بكّي *** مي إقلْ تمظأكا من إلّ تأكي؟؟!!
إي تفرهْ قبيلْ وإي تتهكي *** مي إقل لودوْكي منْ إلّ تأكي؟!
أنسْنا مبّل ويتايمْ بكّي
مي ركْبيو قبيلْ تم إقلْ لبلْ *** وإقلْ لإكي ولتهكّي
قرأْ قبيلْ تأريخْكا إي تترسّعْ
تأريخْكا ميتو؟ سدوحا عيلا ومنكع
تأريخْكا ميتو؟ سدوحا عيلا ومنكع
تأريخكا ميتو؟ سدوحا عيلا ومنكع
روابط قصيرة: https://www.farajat.net/ar/?p=26285
أحدث النعليقات