كالئْ كِلْئُوتْ تَنَجّيتْ

1

ربي إسَمّى وأسْتَبْدى, مالِكْ أرِدْ وعَرِشْ

ربي مايِتْ لَحايئْ, وحِيايْ ميِتْ ولَعَشعِشْ

ربي جَنَّتْ بُو تَتْباردْ, ونارْ بُو لُبْ وَشْوِشْ

لَموتا مِنْ مَيتْ, عَبَايْ ألَبْنا مِسْلُو ونَئَيشْ

لِإلا گَبأ مِنْ گَبئْ, أدامْ إيْ تَلِيو وگِرِشْ

5

شَاعِرْ گَنْگِرْ ولَحَلى, وولُوفْ سَجِّرْ وقَمِّشْ

حيلْيايْ فوظى وگولى, وشاکِرْ ستى وطَرِشْ

شَقالايْ لَوقّى ولأُفَرى, وبادي بَلِعْ ولَحَشِشْ

حُبِّونْ بَعلْ گاراتْ, گاراتْ أدامْ إيْ لأتْنَّائِشْ

وشانِنْ بَعلْ مَبالسْ, دِمّانْ ودِگَلَبْ إيْ كابِشْ

10

كِلْ أوروتْ قَباهُوبُو ودُبُّوهُو, أدْحِدْ إيْ نِفَاتِشْ

قبا ألَبُو ألَبْنا, أدْحِدْ إيْ نِقَواقِلْ وأدْحِدْ إيْ نِرَبشْ

شُكْرانْ تارِرْ مَبالسُو, أمادِدْ ديبا فَرَجَتْ وفَارِشْ

فَرَجَتْ حِشُومْ مداليايا, أمُورْ تِكَبَّتْ وحُبُوعْ تَلَوِشْ

شَقْلُوتْ عَبايْ بَحْرا, أمِر تَتْحَنْبِسْ وقاوي تَطَربِشْ

15

تَمْنيكاهُو شِعِرْيئ, إگِلْ حِلايْ مايِتْ وعايِشْ

حزيكاهُو شِعِرْيئ, إگِلْ مَدْحَرْ أُقُمُّوچْ وعامِشْ

فَتيكاهُو شِعِرْيئ, إنْدى تَأبادى عَلْكا وتَأماشِشْ

سِفْلَلْكاهُو لَشِعِرْيئ, إنْدى دَأبّى عَلْكا وطّانِشْ

نِسّالْ تگْرى, قُروبْ لأسِفْلِلْ وگانا لأتْعايشْ

20

نِسّالْ تگْرى, بُقُوعْ لأتّهاگى وحَوانْ لألَگِشْ

نِسّالْ تگْرى, عَبي لأتَّهاجِكْ ونَئُوشْ لأتْمَقِشْ

نِسّالْ تگْرى, عَبَاييْ لأمُّورو شَبابْ ونَئايشْ

إيْ تِتَأبى أبيكا, هِگْيا قَازِرْ زَعاتا فَريها فَشْفِشْ

إيْ تِتْقَبَظْ قَبظْكا, هِگْيا داررْ نِسالا سِنينْ گَرْگَّشْ

25

إيْ تِتقَبَبْ قَبَبْكا, هِگْيا فُراسْ مَنْدَليتاتْ وتَشَتِشْ

تِگْرايِتْ وعربي سالْسَنْ, هِگْيا مَحَمّد وشاوِشْ

تِگْرايتْ هِگْيا, رواشينْ إيْ كُونْ وهِگْيا حَلَگِشْ

تِگْرايتْ هِگْيا, سَبْ قِلَوْ تا تَكوبْ نَديفْ وبِرِشْ

تِگْرايتْ ظِبْحِتْ إب بَحْرا, ظُمُؤ وراوي تَطَقِشْ

30

كَتِّبْ إبّا وقَرئْ, لِبِلْ إبّا وبَلِّسْ لتَهاجَكْ إبّا وناقِشْ

مَدْحَرْ وحلايْ, إبْ حِلَيوتْ إيْ لِتْبَهَلْ وإبْ قَشِشْ

دَحَنْ عَلْ مَدْحَرْتا, إبْ رِمِّقْ إيْ تِتْبَهَلْ وإبْ قِشْ

دَحَنْ عَلْ, إگِلْ هالِكْ إيْ تِسْتاهِلْ وإگِلْ طايِشْ

دَحَنْ عَلْ, إگِلْ عادِلْ تِسْتاهِلْ وإگِلْ فارِسْ فايِشْ

35

دَحَنْ عَلْ, إگِلْ مُنادِلْ تِسْتاهِلْ وإگِلْ شَهيدْ دَمُو فاشِشْ

كالئْ كِلْئُوتْ تَنَجّيتْ, تَعَدّرا وتَرْكَشا إنْدى إيْ تَركِشْ

بَعَلْ أَكَرُو حَدْگا تَنْجا عُدُّورْ, إنْدى سينِگْ ولَحَنْكِشْ

ميرحَتْ مقلى وأسمرا, تِگْرِنيا تِگْرِنيا دابِطْ ومُفَتِّشْ

هِگْيا عَگُّو وعَرْكى, ديبْ كَدَنْ وبيتْ ظِبَطْ وكَرْبِشْ

40

تِگْرنْيا هِسْعِتْ عيماتا, كُمْ مَراتْ حَنْگَلاتْ فَلْعِشْ

گارْ هالِكوم ألبْنا, قَبُورْ ودّفُونْ حَوِظْ لميمى ولمَشْمِشْ

گارْ تَارِفوم ألبْنا, حِيايْ سينِگْ إبْ دَمْ أبْريا لأكَرِشْ

گارْ تلايوم ألبْنا, ولَتْ أرْبَعْ لتَلهَو إبُو ورَقْ وعَلْعِشْ

سَطْقَتْ لِگْبا مايْتومْ, حَبشي حَبشي ورِسّو ومَحَبّشْ

45

عَرْكى عَرْكيهُو إيْ لَحَلِفْ, مِنْ مَيِّتْ ومِنْ گًشگِشْ

عَرْكى عَرْكى تُو, مِنْ طافْ إيْ الَتْطَورْ ومِنْ دِنِّشْ

مِسْكينْ حَرَسْتايْ, فِنْگى إيبْيايْ وميرْحايْ كَشْكِشْ

إيبْيَتْ وحِدَتْ أَلَبُومْ, بَنابينْ لِتّحارَدو ودَمومْ فَشِشْ

أبْرِيا زّنِبْ أَلَبُومْ, دَمومْ حِمّاتُو أمْعيتْ زالمْ قَنْطَشْ

51

دِكْتاتُوري سلامْ ألَبُو, وإيْ تِتْكَرّى جِبِّتُو إبْ گِمِشْ

دِكْتاتُوري إبْ دَمْ لَعَرِّگ, وإبْ دَمْ لِتْكَرى وتَرشْ

دِكْتاتُوري إبْ عِيقْبايُو نَبِّرْ, وكَلِبْ بَعْلُو إيْ نَكِّشْ

دِكْتاتُوري حَوانْ لَعَقُبُو, حَوانْ إگَلْ حَوانيتْ لَشلِشْ

زالِمْ شَعَبْ ومِدِرْ, حُو إي لِرْحِمْ وفَتايْ لَحَرِدْ ورَشِشْ

وحاطِرْ سُلُوبْ مِدْرُو, ديبْ مَسْكَبُو أبايْ إيْ لأفَرِشْ

روابط قصيرة: https://www.farajat.net/ar/?p=25559