رُؤُويْ وحُبُِوعْ

شعر : موسى ضرار  

 شكرْ إگلْ رَبي, ورَحْمَتْ رَبي إگلْ مُؤمِنْ

مُؤمِنْ إگلْ رَبي لعَبِّدْ, ورَبي رَحيمْ تُو ومُهَيْمِنْ

ظُومْ لَحَلِفْ ولأقَبِلْ, وشَياطينْ فَگِّرْ منْ سِجنْ

شِيطانْ رُگُومْ تُو وعِچْفُورْ, مِنْ سَنِّيتْ وَنِّنْ

مَلَكَ إگلْ سَنِّيتْ سُتُورْ تَُو, مِنْ إِكِّيتْ لأدْحِنْ

رَبي مِنْ عِچْفُورْ لأنْگِفَنَّا, إيْ لِتْرئ إبْ عِنْ

إبْ عِنْ للِتْرئ, إبْ عِچِّاىْ لِتْكَرَعْ وإِبْ إِبِنْ

أدِّنْيا رؤويْ بَا وحُبُِوعْ, أدامْ بِدِيبَا وجِنْ

دُحُورْ با ورُگُومْ, مَلائِكَاتْ هَلاّ وشَواطِنْ

دُحُورْ لِدْحِرْ ولِتْمَنِّى, ورُگُومْ رگِمْ ولَحَلِّنْ

طَنقَقْ إكَّا وكَاتِبْ, حَاسِدْ هَلاّ وكَاِينْ

حَاسِدْ إگلْ سَنِّيتْ لأبْدى, إسَاتْ لأتَانِنْ

وكَاِينْ إگلْ فَدَابْ لِقْتَلْ, سِمْ لَحَبعْ ودَفنْ

گَبيلْ أكُوي ميرْحَايُو, أمِرْ ألَبُو وأَمِنْ

عِچِّتْ حارِرْ أقْرودا, فِرى ألبا وقِشِنْ

گِدْلا لُگُومْ قَاوي تُو, نِسَّالْ ألَبُو وإِزِنْ

لُگُومْ إبْ إديهُو كَاتِحْ, ورأسُو لَعَانِنْ

وگِدْلا بِدِيرْت كَلَسَا, هَرِيعْ گَبأ وشِنْ

وگِدْلا أزى كََلْكَلا, حَظُورْ هَلاّ وگِنْ

آمِرْ هَلاّ ومُهُورْ, إب نِسَالُو لإي لأمِنْ

أبَاىْ هَلاّ وفَتاىْ, گَانَا هَلاّ وبَعَلْ مِطِنْ

گُورْ هَلاّ وقُرُوبْ, حُو هَلاّ ومُواطِنْ

عَالِمْ هَلاّ وقَاوي, قَشِيمْ هَلاّ وفَاطِنْ

قَاوي عَالِمْ إيْ وَظَعُو, قَاوي عِلِمْ لَحَاوِنْ

قَاوي إبْ مَتْكَاحَادْ إي لتْوَظِّعْ, عِلِمْ لَهَيِّنْ

قَاوي إبْ أَمِظْ لِتَّهَاگى, إبْ دلِيلْ إيْ لأمِّنْ

وعَالِمْ إبْ أمِرْ لِتَّهَاگى, وإبْ دلِيلْ بَرْهِنْ

زِلامْ حِفُونْ تَبَرِدْ, وظَحاىْ بُرُودْ تَحافِنْ

إسَاتْ يِبُوسْ تَندِدْ, ومَاىْ إسَاتْ لَقَسِّنْ

لالي ظِلْمِتْ تَا, وأَدَّحَا لالي إيْ بَرِنْ

أَدَّحَا لالي تِتَّاكى, ولالي أَدَّحَا تَتْلافِنْ

لَها كإگِلْ لَهَا إيتْ بدِّرْ, شَرعْ بنْ وگِنْ

أكُّويْ لَوَدِّى حاسِرْ تُو ودَانِنْ

وسَنِي لَوَدِّى شَانِنْ تُو وحابِنْ

بَعَلْ سَنِّيتْ, وقُولْ تُو وشَانِنْ

وبَعَلْ إكِّيتْ, دُهُورْتُو وحازِنْ

باريهْ, إتْ گَبَيْ سَكِّبْ وقَسِّنْ

وظَالمْ, منْ حَكَشْ تََريهْ وكِرِنْ

حِميتْ إگلْ, حِمُّودْ إيْ تَتْحَزِنْ

وحَمْدى إگلْ, حِمُوىْ إيْ تَشَنِنْ

روابط قصيرة: https://www.farajat.net/ar/?p=9134